Malang 2020 ‧ Romance/Thriller ‧ 2h 15m

Initial release: February 6, 2020 (United Arab Emirates)

Producers: Bhushan Kumar, Luv Ranjan, Ankur Garg, Krishan Kumar, Jay Shewakramani

Music composed by: Asim Azhar, Ankit Tiwari, Ved Sharma, Mithoon, Raju Singh

#Murder_Report_Karna_Hai_Saab

#Happy_Sollisters !!

'Advait Thakur' මත්ද්‍රව්‍ය ලඟ තබා ගැනීමේ වරදට අහුවෙලා හිරේ ඉඳලා අවුරුදු 5 කින් නිදහස් වෙලා එන්නෙ දෙසැම්බර් 24 වෙනිදා. ඊට අවු. 5 කට කලින් ඒ වගේම දවසක තමා එයාව අත්අඩංගුවට අරන් තියෙන්නෙ. මෙයා එදා හවස 'Agashe' කියන පොලිස් නිලදාරියට කෝල් එකක් අරන් මිනිමැරුමක් ගැන අනතුරු අඟවනවා. ඒත් එයා හිතන්නෙ මේ පිස්සෙක් කියලා වැඩිය ගනන් ගන් නෑ. Agashe, මත්ද්‍රව්‍ය වලට තදින් ඇබ්බැහි උන නිලදාරියෙක් වගේම වැරදිකරුවන්ට කිසිම සමාවක් දෙන කෙනෙක් නෙමේ. අහු උනොත් වෙඩි තියලා මරලා දාලා කතාව ඉවරම කරනවා. එයා ඒ විදියට දරුණු, වෙනස් කෙනෙක් වෙන්න, කාලෙකට කලින් වෙච්ච සිදුවීමක් බලපාලා තියෙනවා. Agashe වැඩිය ගනන් ගත්තෙ නැතත්, Advait එදා කිව්ව විදියටම 'Victor' කියලා පොලිස් නිලදාරියෙක්ව මරලා. Agashe ට එතකොට තමා තේරෙන්නෙ මේක සීරියස් කේස් එකක් කියලා. Agashi ට Advait කිව්ව දෙයක් මතක් වෙනවා. ඒ තමා.. "අද රාත්‍රිය ටිකක් දිග රාත්‍රියක් වෙයි" කියන එක. එයාට තේරෙනවා මේක මෙතනින් ඉවර වෙන එකක් නෑ කියලා. ඒ වගේම මිනිමැරුම කරපු Advait, ජීවිතේ නැතිවෙන්න දෙයක් නැති, පලිගැනීම විතරක් අරමුණ කරගත් කෙනෙක් කියලත් එයා තේරුම් ගන්නවා 

අවුරුදු 5 කට කලින් මොනාද උනේ බලමු... Advait 'ගෝවා' වලට යන්නෙ හොඳ ෆන් එක්ක ගන්න හිතාගෙන. එයා ගෙදර අය එක්ක වැඩි සම්බන්දයක් නැති, රට වටේ සංචාරය කරමින් ජීවිතේ ගෙවන බැඳීම් නැති සරල චරිතයක්. මෙයා එහෙ පාටියක ඉද්දි එක ගෑනු ලමයෙක් ඇඟේ හැප්පෙනවා. ඒ එයාගෙ ජීවිතේ වෙනස් කරන කෙනා කියලා Advait කීයටවත් හිතන් නෑ. ඒ තමා අපේ කතා නායිකාව 'Sarah'. එයා London ඉඳන් එයාගෙ දෙමවුපියන්ගෙන් සමු අරන් මෙහෙ ඇවිත් තියෙන්නෙ ජීවිතේ එයා හොයන නිදහස ලබාගන්න. කොහොමහරි එතනට පොලිසියෙන් පනිනවා. මොකද එතන මත්ද්‍රව්‍ය බහුල හින්දා. කට්ටියම පැනලා දුවන අතරේ Advait, Sarah ට උදවු කරනවා එතනින් පැනගන්න. පස්සෙ මේ දෙන්නා යනවා වෙන පාටියක් හොයන්. එහෙදි එයාලට හම්බෙනවා 

Jessie ව. එයත් මේ දෙන්නා වගේම කාලෙකට කලින් ගෝවා ඇවිත් තියෙන්නෙ නිදහස සහ විනෝදය හොයන්. එයාට මත්ද්‍රව්‍ය නැතුව බෑ. එයා ඒවට ඇබ්බැහි වෙලා ඉන්නෙ. ඉතින් එයා මෙයාලටත් ඕන ජාතියක් දෙනවා 

Sarah කිසිම විදියෙ සමාජ ජාලයක් පාවිච්චි කරන් නෑ. අඩුම තරමේ ෆෝන් එකක්වත් නෑ එයා ලඟ. එයාගෙ එක අතක තියෙනවා ගැට තියෙන නූලක්. ඒ ගැට වලින් කියන්නෙ මෙයා කරන්න අදහස් කරන් ඉන්න දේවල්. ඒ දේවල් කරාම ඒක ගැටය ගානෙ ලිහනවා. ඉතින් මේ දෙන්නා ඔහොම ඉද්දි එකිනෙකාට ගොඩක් ලං වෙනවා. ගොඩක් ආදරේ කරනවා මේ දෙන්නා. Sarah තීරණයක් ගන්නවා. ඒ තමා එයා ආස කරන දේවල් කරන් යන්න එයාගෙ පාට්නර් විදියට Advait ව තෝරගන්න එක. Advait ට ඕනෙත් ඒක. දෙන්නා එකතු වෙලා හැමතැනම සංචාරය කරනවා. මේ අතර Sarah ගැබ් අරන්. ඒත් Advait නම් ඒකට එච්චර සතුටු වෙන් නෑ. ගබ්සා කරන්නයි යන්නෙ දෙන්නා. ඒත් එහෙ පාටියකදි පොලිස් නිලදාරියෙක් අතින් වැරදිලා එයාගෙම දුවට වෙඩි තියනවා. එයාගෙ දුව මැරෙනවා. එයා දුවව බදාගෙන අඬනවා. මේක බලන් ඉන්න Sarah තේරුම් ගන්නවා දරුවෙක් ඉන්න එකේ වටිනාකම. ඉතින් එයා තීරණය කරනවා දරුවව හදනවා කියලා. එයා දැකපු පොලිස් නිලදාරියා තමා Agashe. එයා වෙනස්ම චරිතයක් වෙලා තියෙන්නෙ එයාගෙ දුවගෙ මරණෙන් පස්සෙ තමා. කොහොමහරි Advait ට මේ විදිය හරියන් නෑ. මොකද එයා බැඳිම් වලට ඇලිලා ඉන්න කැමති කෙනෙක් නෙමේ. මේ හින්දා එයා Sarah ගෙන් සමු අරන් එයා ඊලඟට යන්න හිතන් හිටිය පැත්තට යනවා. එහෙදි එයාගෙ පරණ යාලුවෙක් දැන් බැඳලා, එයාගෙ පවුල එක්ක ගොඩක් සතුටෙන් ඉන්නව දැකලා මෙයාගෙ හිත වෙනස් වෙනවා. Advait තේරුම් ගන්නවා පවුලක තියෙන වටිනාකම. පස්සෙ එයා ආයෙ Sarah ව හොයන් යනවා. ඒත් එයාට දකින්න ලැබෙන දේ නම්... 

ආයෙ වර්තමානයට එමු.. අර කියපු පොලිස් නිලදාරියාගෙ ඝාතන සිද්දිය ගැන පරීක්ශණ කරන්නෙ Michael Rodrigues කියන පොලිස් නිලදාරියා. ඒ මැරුන කෙනා මෙයාගෙ ලඟම යාලුවෙක්. Agashe ත් මේ පරීක්ශණ වලට සහය වෙනවා. Michael ගැන කිව්වොත් එයා එච්චර සතුටෙන් ජීවිතය ගෙවන කෙනෙක් නං නෙමේ. එයා ගුප්ත චරිතයක්. කසාද බැඳල හිටියත් එයාගෙ පවුල් ජීවිතේ සාර්ථක එකක් වෙන්නෙ නෑ. ඒ අතර එයාගෙ බිරිඳ Teresa ගෙ අනියම් සම්බන්දයක් ගැනත් මෙයා දැනගෙන ඉන්නෙ. එයාලා දික්කසාද වෙන දවසත් ලඟම එන පාටක් තියෙන්නෙ. කොහොමහරි මේ ඝාතනය වෙලා පැය ගානක් යන්නත් කලින් තවත් පොලිස් නිලදාරියෙක් ඝාතනය වෙනවා. එක්කෙනෙක් නෙමේ දෙන්නෙක්. ඒ කියන්නෙ පැය කීපයක් ඇතුලත පොලිස් නිලදාරීන් 3 ක් ඝාතනය වෙනවා. මේ තුන්දෙනාම Michael ගෙ ලඟම යාලුවො 

මේ ඔක්කොම කරන්නෙ Advait. පොලිසියට පෙනි පෙනිමයි මෙයා මේවා කරන්නෙ. මෙයාට මේ දේවල් වලට Jessie උදවු කරනවා. ඒ ගැන පොලිසිය දැනගන්නවා. පස්සෙ දවසක Michael, Jessie ව දැකලා එයා පස්සෙන් පන්නන් යනවා. Jessie ඉන්න ගෙදරට දොර කඩන් ඇතුල් වෙද්දි එයා දකිනවා Jessie පිංතූර වගයකට ගිනි තියනවා. ඒ පිංතූර අතර එයාගෙයි, Agashe ගෙයි පිංතූරත්, මැරුන නිලදාරින් 3 දෙනාගෙ පිංතූරත් තියෙනවා දකිනවා. මෙයා තේරුම් ගන්නවා තමුනුත් මිනිමරුවගෙ ඉලක්කයක් කියලා. පස්සෙ මෙයා ගින්න අස්සෙන් එලියට එනවා. Jessie ඒක අස්සෙම මැරෙනවා 

මේ අතර අර 3 වෙනි පොලිස් නිලදාරියව මරලා පැනලා යන Advait ව, Agashe ගෙ අතටම අහු වෙනවා. ඇත්තම කිව්වොත් Advait හිතලමයි බාරවෙන්නෙ.. 

Advait මොන හේතුවක් හින්දද හිතාමතාම පොලිසියට බාරවෙන්නෙ ?

Sarah කෝ දැන් මොනා වෙලාද එයාට ?

Sarah ව හොයන් එන Advait එදා මොනාද දකින්නෙ ?

Advait ඇයි මේ පොලිසියෙ අයව මරන්නෙ ?

මේවට උත්තර හම්බෙයි මේක බැලුවම.. 

මට නම් මේ චිත්‍රපටය ගැන කියන්න වැරැද්දක් නෑ. පටන් ගන්න වෙලේ ඉඳන් ඉවර වෙනකන් පැය 2 ක් ගියා තේරුනෙත් නෑ. ඇත්තමට පට්ට. Aashiqui 2 (2013), Ek Villain (2014) වගේ සුපිරි නිර්මාණ ගෙනාපු "Mohit Suri" ගෙ තවත් 'Box Office' වාර්තා තැබූ පට්ටම අධ්‍යක්ෂණයක්. ඒ වගේම රඟපාන අය ගැනත් කියන්න හොඳම තමා තියෙන්නෙ. "Aditya Roy Kapoor" Advait ලෙසත්, "Disha Patani" Sarah ලෙසත්, "Kunal Kemmu" Michael ලෙස වගේම Agashe විදියට ප්‍රවීණ නලු "Anil Kapoor" ද රංගනයෙන් දායක වෙනවා. Romance වලට ප්‍රසිද්ධ Aditya, තමන් Action වලටත් ඒ වගේම දක්ශයි කියලා මේ ෆිල්ම් එකෙන් පෙන්නලා තියෙනවා. වයසට යන් නැති Anil Kapoor ගෙ රඟපෑමත් පට්ටමයි.

ඉවරවෙන විදියට නම් තව එකක් එයි වගේ  Action, Romance, Thriller කියන තුන් වර්ගයම එකට තියෙන මේ සුපිරි ෆිල්ම් එක නම් ඔයාලා හැමෝම පරක්කු නොවී බලන්න 

උපුටා ගැනීම...lasith tj